“ДСЦТС” ХК Монгол Улсын эрчим хүчний систем, түгээх сүлжээнд анхдагч болж 
“Уламжлалт дэд станцаас – Дижитал дэд станц” ухаалаг сүлжээг нэвтрүүлэн “35/6КВ-ын ЧУЛУУН КАРЬЕР ДИЖИТАЛ ДЭД СТАНЦ”-ыг ашиглалтад орууллаа.Эрчим хүчний хөгжлийн чиг хандлага, дэвшилтэт технологи, инновацийн шийдлүүдийг салбартаа нэвтрүүлэгч “Дархан Сэлэнгийн цахилгаан түгээх сүлжээ” ХК түүхт 60 жилийн ойгоо угтан Монгол Улсад анх удаа “35/6КВ-ын ЧУЛУУН КАРЬЕР ДИЖИТАЛ ДЭД СТАНЦ”-ыг ашиглалтад орууллаа. Энэхүү Дижитал станцыг нэвтрүүлснээр орон зай цаг хугацаанаас үл хамааран таслалт, сэлгэн залгалт, шуурхай ажиллагааг алсаас удирдах боломжтой болж байна.Мөн хүний буруутай үйл ажиллагаанаас гарах эрсдлийг бүрэн арилгаж, гэмтлийг түргэн шуурхай тодорхойлох боломжтой зэрэг олон давуу талуудтай бөгөөд тостой тоноглолыг шинэчилснээр хүлэмжийн хийн ялгаруулалтыг багасгаж, найдвартай ажиллагаа бүрэн дээшлэн, 100% диспетчерийн мэдэлд шилжүүлснээрээ онцлогтой юм.Өнөөдөр /2025-04-01/ түүхэн ойн өдрөөрөө шинэ дэд станцын нээлтийн үйл ажиллагааг зохион байгуулж, нээлтийн тууз хайчиллаа.1965 оны 4 дүгээр сарын 01-ний энэ өдөр Сайд нарын зөвлөлийн дугаар тогтоолоор “Дархан Сэлэнгийн цахилгаан шугам сүлжээний газар” байгуулах шийдвэр гарч, өдгөө нэгэн жарны түүхийг бүтээлцэж байна. Энэхүү түүхэн өдөр Монгол Улсын Эрчим хүчний системд тэр дундаа түгээх сүлжээний анхдагч болж, “уламжлалт дэд станцаас-дижитал дэд станц” ухаалаг сүлжээг нэвтрүүлэн, орчин үеийн дэвшилтэт шийдлүүдийг 60 жилийн ойн босгон дээр ашиглалтад оруулж чадлаа.
“Дархан Сэлэнгийн цахилгаан түгээх сүлжээ” ХК нь Дархан-Уул, Сэлэнгэ, Төв аймгуудын 26 сумын 74000 км кв нутаг дэвсгэрт орших 60 гаруй мянган хэрэглэгчдэд цахилгаан эрчим хүч түгээх, хангах үйл ажиллагааг үзүүлж байна. Харин энэхүү Чулуун карьер дэд станцаас 1689 ахуйн хэрэглэгч, 246 ААН, нийт 1935 хэрэглэгчийг цахилгаан эрчим хүчээр хангаж байна.
