ДСЦТС ХК нь бодлого зохицуулалтын 7 хэлтэс, хөдөлмөрийн эрүүл мэнд, аюулгүй байдал , диспетчер, засвар туршилт, хэмжүүр тоолуур, авто тээвэр, нийтлэг үйлчилгээний чиглэлээр ажиллах 6 алба, тоног төхөөрөмжийн ашиглалт борлуулалтын ажлыг эрхлэн гүйцэтгэх 5 салбар, хэрэглэгчдэд үйлчлэх 1 төвтэйгөөр 440 орон тоотой ажиллаж байна.
Эрчим хүч хэрэглэх дүрмийн 4.1 Хангагч нь иргэн, хуулийн этгээдтэй Эрчим хүчний тухай хуулийн 28 дугаар зүйлд заасны дагуу цахилгаан эрчим хүчээр хангах гэрээ байгуулснаар иргэн, хуулийн этгээд нь цахилгаан эрчим хүч хэрэглэх эрхээр хангагдана . Тиймээс иргэн хэрэглэгч та бүхэн эрчим хүчээр хангагдах гэрээнийхээ хугацааг дууссан эсэхийг шалгаж дууссан тохиолдолд биеэр ирж гэрээгээ хийхийг уриалж байна.
Гэрээгээ хийгээгүй тохиолдолд эрчим хүчээр хангах боломжгүй гэдгийг анхаарах хэрэгтэй.
Айл өрхийн цахилгаан эрчим хүчээр хангах гэрээг 5 жилд 1 удаа байгуулдаг тул хэрэглэгч та бүхэн гэрээний хугацаагаа дууссан эсэхийг дахин нягтлаарай.
Гэрээ гэдэг аливаа харилцааг хуулийн хүрээнд зохицуулдаг дараа нь гарах эрсдэл, хариуцлагыг нарийн тодорхой заасан баримт бичиг тул хэрэглэгч та бүхэн бусад төрлийн гэрээ хийхдээ ач холбогдол өгдөг шигээ Эрчим хүчээр хангагдах гэрээндээ ач холбогдол өгч хариуцлагатай хандахыг уриалж байна. 7200-4000
